10 February -2021
Hyderabad
టాలెంటెడ్ హీరో సందీప్ కిషన్ న‌టిస్తోన్న 25వ చిత్రం 'ఏ1 ఎక్స్‌ప్రెస్'. టాలీవుడ్‌లో రూపొందుతోన్న తొలి హాకీ ఫిల్మ్‌గా గుర్తింపు పొందిన ఈ న్యూ-ఏజ్ స్పోర్ట్స్ ఎంట‌ర్‌టైన‌ర్ హీరో సందీప్ కిష‌న్‌కి అత్యంత ప్రతిష్ఠాత్మ‌క ప్రాజెక్ట్.
డెన్నిస్ జీవ‌న్ క‌నుకొల‌ను ద‌ర్శ‌కుడిగా ప‌రిచ‌య‌మ‌వుతున్న ఈ మూవీలో లావణ్య త్రిపాఠి హీరోయిన్‌గా న‌టిస్తోంది. పీపుల్ మీడియా ఫ్యాక్ట‌రీ, అభిషేక్ అగర్వాల్ ఆర్ట్స్‌, వెంక‌టాద్రి టాకీస్ ప‌తాకాల‌పై టి.జి. విశ్వ‌ప్ర‌సాద్‌, అభిషెక్ అగర్వాల్, సందీప్ కిషన్, ద‌యా ప‌న్నెం నిర్మిస్తున్నారు. ఫిబ్ర‌వ‌రి 26న ఈ చిత్రం విడుద‌ల‌వుతోంది.
బుధ‌వారం ఈ చిత్రంలోని "అమిగో" అంటూ సాగే సాంగ్ లిరిక‌ల్ వీడియోను చిత్ర బృందం విడుద‌ల చేసింది. హిప్‌హాప్ త‌మిళ మ్యూజిక్ అందించిన ఈ పెప్పీ సాంగ్‌ను రామ‌జోగ‌య్య శాస్త్రి ర‌చించ‌గా, ఇన్నో గెంగా ఆల‌పించారు. మూవీలో ఈ సాంగ్‌ను సందీప్ కిషన్, లావ‌ణ్యా త్రిపాఠి, డాన్స‌ర్స్‌పై చిత్రీక‌రించారు. హుషారైన బీట్‌తో ఆక‌ట్టుకుంటున్న ఈ సాంగ్‌లో హీరోయిన్‌పై త‌న ప్రేమ‌ను వ్య‌క్తం చేస్తున్నాడు హీరో. యూత్‌లో ఈ సాంగ్ మంచి క్రేజ్ తెచ్చుకుంటుంద‌న‌డంలో సందేహం లేదు.
ఇదివ‌ర‌కు విడుద‌ల చేసిన ట్రైల‌ర్‌కు ట్రెమండ‌స్ రెస్పాన్స్ ల‌భించింది. భారతదేశం తరఫున ఆడాలని కలలు కనే యువ హాకీ ఆటగాడిగా ఈ మూవీలో సందీప్ కిషన్ న‌టిస్తున్నారు. ఆయ‌న ప్రేమికురాలి పాత్ర‌లో లావణ్య త్రిపాఠి కూడా హాకీ ప్లేయ‌ర్ రోల్ చేస్తుండ‌టం విశేషం. ఆన్ స్క్రీన్ మీద ఈ జంట చూడ‌ముచ్చ‌ట‌గా ఉంది. ట్రైలర్‌లో త‌న హాకీ స్కిల్స్‌తో సందీప్ కిషన్ అంద‌ర్నీ ఆశ్చ‌ర్య‌చ‌కితుల్ని చేశారు. ఈ సినిమా కోసం బ‌రువు త‌గ్గి సిక్స్ ప్యాక్ బాడీని సాధించారు.
తారాగ‌ణం:
సందీప్ కిషన్, లావ‌ణ్యా త్రిపాఠి, రావు ర‌మేష్‌, మురళీ శ‌ర్మ, పోసాని కృష్ణ‌ముర‌ళి, ప్రియ‌ద‌ర్శి, స‌త్యా, రాహుల్ రామ‌కృష్ణ, మ‌హేష్ విట్టా, ర‌ఘుబాబు, అభిజిత్‌, భూపాల్‌, ఖ‌య్యుమ్‌, సుద‌ర్శ‌న్‌, శ్రీ‌రంజ‌ని, ద‌యా గురుస్వామి.
సాంకేతిక బృందం:
ద‌ర్శ‌కుడు: డెన్నిస్ జీవ‌న్ క‌నుకొల‌ను
నిర్మాత‌లు: టి.జి. విశ్వ‌ప్ర‌సాద్‌, అభిషెక్ అగర్వాల్, సందీప్ కిషన్, ద‌యా ప‌న్నెం
స‌హ నిర్మాత: వివేక్ కూచిభొట్ల
మ్యూజిక్: హిప్ హాప్ త‌మిళ
సినిమాటోగ్ర‌ఫీ: కెవిన్ రాజ్‌
ఎడిటింగ్‌: చోటా కె. ప్ర‌సాద్‌
సాహిత్యం: రామ‌జోగ‌య్య శాస్త్రి, సామ్రాట్‌
ఆర్ట్‌: అలీ
ఎగ్జిక్యూటివ్ ప్రొడ్యూస‌ర్స్‌: మ‌యాంక్ సింఘానియా, దివ్య విజ‌య్, శివ చెర్రీ, సీతారామ్‌
పీఆర్వో: వ‌ంశీ-శేఖ‌ర్.
