21 March 2014
Hyderabad

ఇటీవలే 'చామంతి' చిత్రాన్ని నిర్మించిన అభిరుచి గల నిర్మాత టి.చలపతి తదుపరి చిత్రానికి శ్రీకారం చుట్టారు. 'శ్రీ సత్యనారాయణ స్వామి', బ్యాండ్ బాజా' చిత్రాలకు దర్శకత్వం వహించిన నగేష్ నారదాసి దర్శకత్వంలో నూతన నటీనటులతో ఈ తాజా చిత్రం తెరకెక్కనుంది. బ్యాంకాక్, మలేషియా, సింగపూర్ లలో ఈ చిత్రం షూటింగ్ ని జరపడానికి నిర్మాత చలపతి సన్నాహాలు చేస్తున్నారు. అవుట్ అండ్ అవుట్ ఎంటర్ టైనర్ గా తెరకెక్కనున్న ఈ చిత్రానికి సంబంధించిన నటీనటులు ఎంపిక ప్రస్తుతం జరుగుతోంది. చలపతి సినీ ఫిలింస్ పతాకంపై రూపొందనున్న ఈ చిత్రం ఏ్రపిల్ లో సెట్స్ మీదకు వెళ్ళనుంది.