15 June 2015
Hyderabad

ముస్తాబవుతున్న ‘చెంబుచిన సత్యం’

సుమన్‌శెట్టి, ప్రమోదిని ప్రధాన పాత్రల్లో నటిస్తున్న చిత్రం ‘చెంబుచిన సత్యం’ ఎల్‌ఐసీ ఏజెంట్ ఉపశీర్షిక. ఆలూరి క్రియేషన్స్ పతాకంపై ఆలూరి సాంబశివరావు నిర్మిస్తున్నారు. నామాల రవీంద్రసూరి దర్శకుడు. ప్రస్తుతం నిర్మాణానంతర పనులను జరుపుకుంటోన్న ఈ చిత్రంలోని పాటలను ఈ నెల 20న విడుదల చేయడానికి ప్లాన్ చేస్తున్నారు. ఈ సందర్భంగా దర్శకుడు రవీంద్రసూరి మాట్లాడుతూ ‘హారర్ ఎంటర్‌టైనర్ ఇది. చెంబు చినసత్యం ఎలాంటి కల గన్నా నిజజీవితంలో అది వాస్తవంగా మారుతుంటుంది. అలాంటి యువకుడి జీవితంలో ఓ కల ఏ విధమైన అలజడిని రేపింది?ఓ ప్రమాదం బారి నుంచి తన కుటుంబాన్ని అతడు ఏ విధంగా రక్షించుకున్నాడు? అన్నది ఈ చిత్ర ఇతివృత్తం. కథను నమ్మి ఈ సినిమాను తెరక్కించాను’ అని తెలిపారు. నిర్మాత మాట్లాడుతూ ‘వినోదం,హారర్, ప్రేమ, సెంటిమెంట్ మేళవింపుతో రూపొందిన చిత్రమిది హారర్, కామెడీ జోనర్‌లో రూపొందిన చిత్రాలు ఈ మధ్యకాలంలో చక్కటి విజయాల్ని అందుకుంటున్నాయి.ఆ జాబితాలో ఈ సినిమా చేరుతుందనే నమ్మకముంది’ అన్నారు. నా ఆలోచనలకు అనుగుణంగా దర్శకుడు ఈ చిత్రాన్ని తెరకెక్కించాడు. తప్పకుండా అన్ని వర్గాల వారిని మెప్పిస్తుందనే నమ్మకముంది’ అని తెలిపారు.

వాసు ఇంటూరి, శరశ్చంద్ర, మాస్టర్ ఆద్యశ్రీమహేష్ తదితరులు నటిస్తున్న ఈ చిత్రానికి కెమెరా: తోట.వి.రమణ, ఎడిటింగ్: ఎడిటర్ వెంకట్, సంగీతం: విజయ్ కురాకుల, పాటలు: మౌనశ్రీ మల్లిక్, నిర్మాణ నిర్వహణ: శ్రీహర్ష ఆలూరి, నిర్మాత: ఆలూరి సాంబశివరావు, కథ, స్క్రీన్‌ప్లే, మాటలు, దర్శకత్వం: నామాల రవీంద్రసూరి.