యూత్‌స్టార్‌ నితిన్‌ హీరోగా వెంకట్‌ బోయనపల్లి సమర్పణలో 14 రీల్స్‌ ఎంటర్‌టైన్‌మెంట్‌ ప్రై. లిమిటెడ్‌ పతాకంపై హను రాఘవపూడి దర్శకత్వంలో రామ్‌ ఆచంట, గోపీ ఆచంట, అనీల్‌ సుంకర నిర్మిస్తున్న భారీ చిత్రం 'లై' (లవ్‌ ఇంటెలిజెన్స్‌ ఎన్‌మిటి). ఈ చిత్రంలో యాక్షన్‌ కింగ్‌ అర్జున్‌ ఓ ప్రత్యేక పాత్ర పోషిస్తున్న విషయం తెలిసిందే. ఈ చిత్రంలోని అర్జున్‌ ఫస్ట్‌లుక్‌ను గురువారం విడుదల చేశారు. ఈ చిత్రానికి సంబంధించిన షూటింగ్‌ పూర్తి కావచ్చింది. ఆల్రెడీ పోస్ట్‌ ప్రొడక్షన్‌ వర్క్‌ స్టార్ట్‌ అయింది. అన్ని కార్యక్రమాలు పూర్తి చేసి ఆగస్ట్‌ 11న 'లై' చిత్రాన్ని ప్రపంచ వ్యాప్తంగా విడుదల చేసేందుకు సన్నాహాలు జరుగుతున్నాయి.
