నిన్న‌టి త‌రం నాయిక మేన‌క కుమార్తె కీర్తి సురేశ్. కీర్తి తండ్రి సురేశ్ మ‌ల‌యాళంలో పేరున్న నిర్మాత. సినిమా వాతావ‌ర‌ణంలో పెరిగిన కీర్తి మ‌ల‌యాళ సినిమా గీతాంజ‌లి ద్వారా వెండితెర‌కు ప‌రిచ‌య‌మైంది. ప్రియ‌ద‌ర్శ‌న్ ద‌ర్శ‌క‌త్వంలో మోహ‌న్‌లాల్ న‌టించిన సినిమా గీతాంజ‌లి. ఆ త‌ర్వాత త‌మిళ చిత్రాల్లో న‌టించిన ఈ భామ ఇప్పుడు తెలుగులోనూ న‌టిస్తోంది. అయినా ఇష్టం నువ్వు సినిమాతో తెలుగు ప‌రిచ‌య‌మైన ఈ సుంద‌రి ఇప్పుడు `నేను-శైల‌జ`లోనూ నాయిక. న్యూ ఇయ‌ర్ సంద‌ర్భంగా ఈ సినిమా విడుద‌ల కానుంది. శుక్ర‌వారం ఉద‌యం కీర్తి విలేక‌రుల‌తో ముచ్చ‌టించింది. ఆ విశేషాలు...
* ఈ సినిమా అవ‌కాశం ఎలా వ‌చ్చింది?
- నేను-శైల‌జ సినిమా గురించి ముందు కిశోర్ తిరుమ‌ల‌గారు నాకు క‌థ చెప్పారు. అయినా ఇష్టం నువ్వు చూసి ఆయ‌న న‌న్ను అప్రోచ్ అయ్యారు. ఆ త‌ర్వాత స్ర‌వంతి ర‌వికిశోర్‌గారితో చెన్నైకి వ‌చ్చి న‌న్ను క‌లిశారు. హీరోయిన్ పాత్ర‌కు ప్రాముఖ్య‌త ఉంద‌నిపించింది. అందుకే ఓకే చెప్పేశాను.
* సినిమాలో ఏం న‌చ్చింది?
- కిశోర్ తిరుమ‌ల నాకు క‌థ‌ను చెప్పే తీరే చాలా బాగా న‌చ్చింది. చాలా రియ‌లిస్టిక్‌గా చెప్పారు. చాలా నేచుర‌ల్‌గా ఉంటుంది సినిమా. లిటిల్ బిట్ డ్రామా ఉంటుంది. అయినా ఇందులో ఫాద‌ర్‌, డాట‌ర్ సెంటిమెంట్ కూడా గుడ్‌.
* సినిమాను ఓకే చేయ‌డానికి ముందు మీ మాన‌సిక ప‌రిస్థితి ఏంటి?
- సినిమా నా ద‌గ్గ‌ర‌కు రాగానే ఎగిరి గంతేసి ఓకే చెప్ప‌లేదు. క‌థ ఎలా ఉంటుందో ఓ సారి విందాంలే అనుకున్నా తీరా క‌థ న‌చ్చ‌గానే ఓకే చెప్పేశా.
* రామ్ గురించి మీకు ముందే తెలుసా?
- ఆయ‌న‌తో ప‌రిచ‌యం లేదు. కానీ యాక్ట‌ర్ అని తెలుసు. మా అమ్మ, అక్క అత‌ని గురించి చాలా బాగా చెప్పారు.
* శైల‌జ పాత్ర ఎలా ఉంటుంది?
- త‌ను చాలా ఇంట్రోవ‌ర్ట్. కానీ చాలా ఎమోష‌న్స్ ఉన్న అమ్మాయి. కాక‌పోతే ఎక్కువ‌గా ఎక్స్ ప్రెస్ చేయ‌దు. కోవ‌ర్డ్. త‌న చిన్న‌త‌నం నుంచి అలాగే ఉంటుంది.
* రామ్ గురించి చెప్పండి?
- త‌ను చాలా ఎన‌ర్జిటిక్‌. డ్యాన్సులు బాగా చేస్తాడు.ఎప్పుడూ ఒకచోట కూర్చోవ‌డాన్ని నేను గ‌మ‌నించ‌లేదు. ఇటు ఓ సీన్‌లో యాక్ట్ చేయ‌గానే వెంట‌నే వెళ్లి మానిట‌ర్‌లో చూసుకుంటాడు. ప్రతిదీ ప‌ర్ఫెక్ట్ గా ఉండాల‌నుకుంటాడు.
* త‌న‌తో డ్యాన్సుల్లో పోటీ ప‌డ‌గ‌లిగారా?
- ఈ చిత్రంలో నేను డ్యాన్సులు చేసే స‌న్నివేశాలు, పాట‌లు పెద్ద‌గా లేవు. డ్యాన్సులు నా క‌ప్ ఆఫ్ టీ కాదు.
* స్ర‌వంతి మూవీస్‌లో సినిమా చేయ‌డం గురించి చెప్పండి?
- ఈ సంస్థ‌లో ప‌నిచేయ‌డం వెరీ బ్లెస్డ్ గా భావిస్తున్నాను. ర‌వికిశోర్‌గారు నా మొద‌టి రోజు నుంచి ఇప్ప‌టిదాకా అంతే ఆప్యాయంగా ప‌ల‌క‌రిస్తున్నారు. ఆయ‌న సీనియ‌ర్ మోస్ట్ ప్రొడ్యూస‌ర్‌. చాలా కేరింగ్ ప‌ర్స‌న్‌.
* మీరు సినిమాల్లోకి ఎలా వ‌చ్చారు?
- అమ్మ‌ది చెన్నై. నాన్న కేర‌ళ. సో నా చ‌దువు రెండు రాష్ట్రాల్లోనూ జ‌రిగింది. నాకు మొద‌టి నుంచీ సినిమాల్లోకి రావాల‌ని ఉండేది. ఫ్యాష‌న్ డిజైనింగ్ చేసి ఈ రంగంలోకి అడుగుపెట్టా. మ‌ల‌యాళం, త‌మిళ్ సినిమాలు చేస్తున్న న‌న్ను తెలుగులో న‌టించ‌మ‌ని న‌రేష్ అంకుల్ అమ్మ‌కి ఫోన్ చేసి అడిగారు. అలా తెలుగులో అవ‌కాశం వ‌చ్చింది.
* ఎక్స్ పోజింగ్ గురించి ఏమంటారు?
- స్లీవ్‌లెస్ వేసుకుంటే చేతుల్ని, నీస్ వ‌ర‌కు వేసుకుంటే మోకాళ్ళ వ‌ర‌కు ఎక్స్ పోజింగ్ చేస్తున్న‌ట్టే అర్థం. కానీ అది గ్లామ‌ర్ కాదు. నా దృష్టిలో గ్లామ‌ర్ వేరు. ఎక్స్ పోజింగ్ వేరు. నేను మోడ్ర‌న్‌గా ఉంటాను. జీన్స్, టాప్స్, షార్ట్స్ వేసుకుంటా.
* ఈ సినిమాలో లిప్ లాక్స్ ఉన్నాయా?
- లేవండీ.
* మీ డ్రీమ్ రోల్స్ ఉన్నాయా?
- క్వీన్‌లో కంగ‌నా ఎంత బాగా చేసింది?... అలాంటి పాత్ర‌లంటే ఇష్టం.
