pizza
Kedi Billa kiladi Ranga news
ఆడియో విడుదల సన్నాహాల్లో "కేడి బిల్లా-కిలాడి రంగా"
ou are at idlebrain.com > news today >
Follow Us

30 April 2016
Hyderaba
d

 

"పసంగ, మేము, కథకళి" వంటి సూపర్ హిట్ చిత్రాల ఫేం పాండిరాజ్‌ దర్శకత్వంలో రూపొంది.. ఘన విజయం సాధించిన తమిళ చిత్రం "కేడి బిల్లా-కిలాడి రంగా" అదే పేరుతో తెలుగులో అనువాదమవుతుండడం తెలిసిందే. రాజ్‌ కందుకూరి సమర్పణలో.. భీమవరం టాకీస్‌ పతాకంపై ప్రముఖ నిర్మాత తుమ్మలపల్లి రామసత్యనారాయణ ఈ చిత్రాన్ని నిర్మిస్తున్నారు.

టాలీవుడ్‌లో టాప్‌ హీరోయిన్‌గా వెలుగొందుతున్న రెజీనా ఈ చిత్రంలో మెయిన్‌ హీరోయిన్‌ కాగా.. కోలీవుడ్‌లో లీడింగ్‌ హీరోయిన్‌గా పేరు గడించిన మన తెలుగమ్మాయి బిందుమాధవి మరో హీరోయిన్‌. విమల్‌-శివకార్తికేయన్‌ హీరోలుగా నటించిన ఈ చిత్రానికి యువ సంగీత సంచలనం యువన్‌ శంకర్‌రాజా స్వర సారధ్యం వహించారు. అన్ని కార్యక్రమాలు పూర్తి చేసుకొన్న ఈ చిత్రం పాటలు ఈ వారంలో విడుదల చేసి, మే 13న సినిమాను ప్రేక్షకుల ముందుకు తీసుకు వచ్చేందుకు సన్నాహాలు చేస్తున్నారు.

ఈ సందర్భంగా నిర్మాత తుమ్మలపల్లి రామసత్యనారాయణ మాట్లాడుతూ.. "రాజ్‌ కందుకూరి సమర్పణలో "కేడి బిల్లా-కిలాడి రంగా" చిత్రాన్ని తెలుగు ప్రేక్షకులకు అందిస్తున్నందుకు చాలా ఆనందంగా ఉంది. రెజీనా, బిందుమాధవిల గ్లామర్‌- విమల్‌, శివకార్తికేయన్‌ల పెర్‌ఫార్మెన్స్- యువన్‌ శంకర్‌రాజా సంగీతం "కేడి బిల్లా-కిలాడి రంగా" చిత్రానికి ముఖ్య ఆకర్షణలు. "పసంగ, మేము, కథకళి" వంటి సూపర్ హిట్ చిత్రాల దర్శకుడు పాండిరాజ్ "కేడి బిల్లా-కిలాడీ రంగా" చిత్రాన్నిహిలేరియస్ ఎంటర్ టైనర్ గా తీర్చిదిద్దారు. ఈ వారంలో ఆడియో రిలీజ్‌ చేసి, మే 13న సినిమాను విడుదల చేయనున్నాం" అన్నారు.

ఈ చిత్రానికి మాటలు: కృష్ణతేజ, పాటలు: పోతుల రవికిరణ్‌, ఆడియోగ్రఫి: శేషు కె.యం.ఆర్‌, ఎగ్జిక్యూటివ్‌ ప్రొడ్యూసర్స్: డా.శివ. వై. ప్రసాద్-బి.సత్యనారాయణ, మ్యూజిక్‌: యువన్‌ శంకర్‌రాజా, సమర్పణ: రాజ్‌ కందుకూరి, నిర్మాత: తుమ్మలపల్లి రామసత్యనారాయణ, కథ-స్క్రీన్‌ప్లే-దర్శకత్వం: పాండిరాజ్‌!!


Privacy Policy | Disclaimer | Copyright 1999 - 2016 Idlebrain.com. All rights reserved