6 January 2017
Hyderabad
టాలీవుడ్ స్టార్ కమీడియన్ సప్తగిరి హీరో లాంఛింగ్ సినిమా సప్తగిరి ఎక్స్ ప్రెస్ బాక్సాఫీస్ పై కలెక్షన్ల సునామీ సృష్టిస్తోంది. విడుదలైన ప్రతి చోటా హౌస్ ఫుల్ వసూళ్ల రాబడుతోందని ఈ చిత్ర బృందం తెలిపింది. మాస్టర్స్ హోమియోపతి అధినేత డాక్టర్ రవికిరణ్ శ్రీ సాయి సెల్యులాయిడ్ క్రియేషన్స్ పతాకం పై ఈ చిత్రాన్ని నిర్మించారు. ప్రేక్షకుల నుంచి ఈ చిత్రానికి వస్తోన్న ఆదరణ నేపథ్యంలో ఇటీవలే సప్తగిరి ఎక్స్ ప్రెస్ టీమ్ సక్సెస్ టూర్ ప్లాన్ చేశారు. అందులో భాగంగా మొదట శ్రీకాకుళం నుంచి నెల్లూరు వరకు ఈ చిత్ర బృందం పర్యటించింది. వెళ్లిన ప్రతి చోటా సప్తగిరి ఎక్స్ ప్రెస్ బృందాన్ని అభిమానులు విశేషంగా ఆదరించారని నిర్మాత రవికిరణ్ తెలిపారు. ఆంధ్రా టూర్ కి కొనసాగింపుగా జనవరి 7,8 తేదీల్లో నైజాం ఏరియాలో సప్తగిరి ఎక్స్ ప్రెస్ టీమ్ పర్యటించనుందని నిర్మాత చెప్పారు.
సప్తగిరి ఎక్స్ ప్రెస్ నైజాం టూర్ షెడ్యూల్
జనవరి 7, 12pm – Nalgonda
జనవరి 7, 3pm – Khammam
జనవరి 7, 7pm – Warangal
జనవరి 7, 10pm – Karimnagar
జనవరి 8, 12pm – Nizamabad
జనవరి 8, 3pm – Nirmal
జనవరి 8, 7pm – Adilabad
ఇక ఇంతటి ఊహించని విజయాన్ని అందించిన తెలుగు ప్రేక్షకులకి మనస్పూర్తిగా కృతజ్ఞతలు తెలిపారు ఈ చిత్ర హీరో సప్తగిరి. సినిమాటోగ్రాఫ్ రామ్ ప్రసాద్, ఎడిటర్ గౌతంరాజు ఈ సినిమాను తమ నైపుణ్యంతో ప్రేక్షకుల్ని ఆద్యంతం అలరించే విధంగా తీర్చి దిద్దారని, పవర్ స్టార్ పవన్ కళ్యాణ్, ఆయన అభిమానులు తమ చిత్ర బృందానికి ఎంతో సహాయపడ్డారని డైరెక్టర్ అరుణ్ చెప్పారు. ఇక ఈ సినిమాకు కో ప్రొడ్యూసర్ : డాక్టర్ వాణి రవికరిణ్, సినిమాటోగ్రాఫర్ : సి.రామ్ ప్రసాద్, ఎడిటిర్ : గౌతంరాజు, క్రియేటివ్ హెడ్ : గోపాల్ అమిరశెట్టి, మాటలు : రాజశేఖర్ రెడ్డి పులిచర్ల.