2016 సంక్రాంతి బ్లాక్బస్టర్గా ప్రేక్షకుల ఆదరాభిమానాలను అందుకొని 53 కోట్లకు పైగా షేర్ సాధించి బాక్సాఫీస్ని షేక్చేసిన కింగ్ నాగార్జున లేటెస్ట్ బంపర్ హిట్ 'సోగ్గాడే చిన్నినాయనా' 110 కేంద్రాల్లో దిగ్విజయంగా 50 రోజులు పూర్తిచేసుకుని శతదినోత్సవం వైపు పరుగులు తీస్తోంది. కాగా, ఈ చిత్రం గుంటూరు జిల్లాలో 7 వారాలకు 4 కోట్ల 15 లక్షల షేర్ కలెక్ట్ చేసి సెన్సేషన్ క్రియేట్ చేసింది.
ఈ సందర్భంగా పంపిణీదారుడు పూరిమెట్లె శ్రీనివాసరావు మాట్లాడుతూ - ''నాగార్జునగారి 'సోగ్గాడే చిన్ని నాయనా' చిత్రం గుంటూరు జిల్లాలో 15 సెంటర్స్లో 40 రోజులు పూర్తి చేసుకొని 100 రోజులకు పరుగులు తీస్తోంది. కేవలం 7 వారాల్లోనే ఈ చిత్రం 4 కోట్ల 15 లక్షల షేర్ కలెక్ట్ చేసి రికార్డ్ క్రియేట్ చేసింది. ఇంత పెద్ద హిట్ సినిమాను పంపిణీ చేసే అవకాశం ఇచ్చిన నాగార్జునగారికి, ఈ చిత్రానికి అఖండ విజయాన్ని చేకూర్చిన ప్రేక్షకులకు, అభిమానులకు మా ధన్యవాదాలు తెలియజేస్తున్నాము'' అన్నారు.