24 May 2015
Hyderabad

ప్రముఖ దర్శకుడు సుకుమార్ గురించి మనం ప్రత్యేకంగా చెప్పనక్కర్లేదు. ‘ఆర్య’ నుండి నేటి ‘నేనొక్కడినే’ వరకు ఎన్నో డిఫరెంట్ సినిమాలను మనకు అందించారు. సుకుమార్ అన్న తనయుడు అశోక్ హీరోగా పరిచయం అవుతున్నారు. గతంలో ‘100% లవ్’, ‘నేనొక్కడినే’ చిత్రాలకు అసిస్టెంట్ డైరెక్టర్ గా పనిచేసిన అశోక్ సెకండ్ ఇండిపెండెన్స్ టాకీస్ బ్యానర్ పై రూపొందుతోన్న చిత్రంలో హీరోగా నటిస్తున్నారు. ఈ చిత్రం కోసం అశోక్ డ్యాన్స్, ఫైట్స్ వంటి అంశాల్లో ట్రైనింగ్ తీసుకున్నారు. డిఫరెంట్స్ కాన్సెప్ట్ తో తెరకెక్కిన ఈ చిత్రం సాయిరామ్ చల్లా దర్శకత్వంలో ప్రభాకర్ రెడ్డి నిర్మాతగా రూపొందుతోంది. తాజాగా ఈ చిత్రం షూటింగ్ కార్యక్రమాలను పూర్తిచేసుకుంది. త్వరలోనే ఈ సినిమా ఫస్ట్ లుక్ ను విడుదల చేయాలని చిత్రయూనిట్ ప్లాన్ చేస్తుంది.