హిట్ మేకర్ అనిల్ రావిపూడి అసోసియేట్, అతని అనేక బ్లాక్బస్టర్ చిత్రాలకు సహ రచయితగా పని చేసిన ఎస్ కృష్ణ 'హై' అనే ప్రతిష్టాత్మక ప్రాజెక్ట్తో దర్శకుడిగా పరిచయం అవుతున్నారు. రచయిత, నటుడు , సహ నిర్మాతగా కూడా పనిచేస్తున్నారు. ఇమేజ్స్పార్క్ ఎంటర్టైన్మెంట్, మైరా క్రియేషన్స్ పై హరీష్ పెద్ది, ఎస్ కృష్ణ, శేఖర్ దివ్వెల సంయుక్తంగా ఈ చిత్రాన్ని నిర్మిస్తున్నారు.
అనన్య శర్మ, ఎస్ కృష్ణ, పల్లవి దొర, కృష్ణ కమల్, సాయి కృష్ణ, రేవంత్ (బుల్లిరాజు) ఈ చిత్రంలో ప్రధాన తారాగణం. ఇప్పటికే విడుదలైన టీజర్ కి అద్భుతమైనన రెస్పాన్స్ వచ్చింది.
తాజాగా ‘హై’ నుంచి ఫస్ట్ సింగిల్ ‘ఫనా’ లిరికల్ వీడియోను మేకర్స్ విడుదల చేశారు. వికాస్ బడిస సంగీతం అందించిన ఈ పాట ప్రేమలోని స్వచ్ఛమైన భావోద్వేగాన్ని సూఫీ మ్యూజిక్ టచ్ తో ఆకట్టుకుంటోంది. షహజాద్ అలీ ఆలపించిన ఈ పాటకు ‘సరస్వతీపుత్ర’ రామజోగయ్య శాస్త్రి సాహిత్యం అద్భుతంగా వుంది.
‘ఫనా’పాటలోని మెలోడీ, సూఫీ ఫీల్, ప్రేమను ప్రతిబింబించే సాహిత్యం కలిసి వినసొంపైన అనుభూతిని అందిస్తున్నాయి.
‘హై’లోని ప్రేమకథకు ఈ పాట ఒక ప్రత్యేకమైన మ్యూజికల్ లేయర్ను జోడిస్తోంది.
టీజర్తో ఆసక్తిని పెంచిన ‘హై’.. ఇప్పుడు ‘ఫనా’ పాటతో మ్యూజిక్ పరంగానూ అంచనాలను పెంచుతోంది.
ఈ చిత్రానికి మల్లు నాయక్, సునీల్ రెడ్డి డీవోపీగా GRK శరణ్ రావుల ఎడిటర్ గా పని చేస్తున్నారు.
