pizza
Nagarjuna's Officer pre release function
`ఆఫీస‌ర్‌` ప్రీ రిలీజ్ ఫంక్ష‌న్‌
You are at idlebrain.com > News > Functions
Follow Us

28 May 2018
Hyderabad

కింగ్ నాగార్జున, సెన్సషనల్ డైరెక్టర్ రామ్ గోపాల్ వర్మల కలయికలో వస్తున్న చిత్రం 'ఆఫీసర్`. 'అంతం', 'గోవిందా గోవిందా' చిత్రాల తర్వాత వస్తున్న చిత్రమిది. కంపెనీ ప్రొడ‌క్ష‌న్ బ్యాన‌ర్‌పై రామ్ గోపాల్ వ‌ర్మ‌, సుధీర్ చంద్ర ఈ సినిమాను నిర్మించారు. జూన్ 1న విడుద‌ల‌వుతుంది. ఈ సంరదర్భంగా సోమ‌వారం జ‌రిగిన ప్రీ రిలీజ్ ఫంక్ష‌న్‌లో...

అక్కినేని నాగార్జున మాట్లాడుతూ - ``ఆఫీస‌ర్ గురించి మాట్లాడే ముందు శివ గురించి మాట్లాడాలి. శివ ముందు త‌ర్వాత తెలుగు సినిమా ఇండ‌స్ట్రీ.. శివ త‌ర్వాత తెలుగు సినిమా ఇండ‌స్ట్రీ అని అంటుంటారు. శివ వ‌ర్మ‌కు బ్రేక్ ఇస్తే.. నాకు అమ‌ల‌ను ఇచ్చింది. ఆఫీస‌ర్ సినిమా కోసం ఎంతో మంది క‌ష్ట‌ప‌డ్డారు. యువ‌కుల‌తో క‌లిసి ప‌నిచేస్తుంటే ముచ్చ‌టేసింది. ఇంత మంచి యంగ్ టీంతో సినిమా చేసిన వ‌ర్మ‌కు థాంక్స్‌. సినిమా షూటింగ్ స‌మ‌యంలో చాలా ఆస‌క్తిక‌రంగా అనిపించింది. ఈ క‌థ చెప్పిన‌ప్పుడు చాలా ఇంప్రెస్ అయ్యాను. దేశానికి సేవ చేసే ఓ పోలీస్ ఆఫీస‌ర్‌..న‌మ్మిన నిజం కోసం పోరాడే వ్య‌క్తి అని చెప్పిన‌ప్పుడు ఆ క్యారెక్ట‌ర్‌ చాలా న‌చ్చింది. ఈ సినిమా చేసే స‌మ‌యంలో `ఒక‌వేళ నేను చెప్పింది చేయ‌క‌పోతే.. ఎక్క‌డో త‌న్న‌మ‌ని` కూడా వ‌ర్మ లెట‌ర్ రాశాడు. త‌న‌ని నేను త‌న్న‌ను. వ‌ర్మ ఒక చిత్త‌శుద్ధితో చేశాడు. శివ రిలీజైన‌ప్పుడు అంద‌రూ సౌండ్ గురించి మాట్లాడుతున్నారు. ఆ త‌ర్వాత మ‌రో సినిమా గురించి ఎవ‌రూ మాట్లాడ‌లేదు. ఈ ఆఫీస‌ర్ సినిమాలో అంత మంచి సౌండింగ్ ఉంది. అది గుండెను తాకేలా ఉంటుంది. అలాగే బ్రూట‌ల్ యాక్ష‌న్ సీన్స్ ఉంటాయి. చివ‌రి 20 నిమిషాలుండే యాక్ష‌న్ సీన్స్ అవుట్ స్టాండింగ్‌గా ఉంటాయి. హాలీవుడ్ రేంజ్‌లో యాక్ష‌న్ సీక్వెన్స్‌లుంటాయి. రాముతో క‌లిసి మ‌ళ్లీ ప‌నిచేయ‌డం చాలా ఆనందంగా ఉంది. చాలా రోజుల త‌ర్వాత రియ‌ల్ ఇన్‌టెన్స్ యాక్ష‌న్ ఫిలిం రాబోతుంది`` అన్నారు.

అమ‌ల అక్కినేని మాట్లాడుతూ - ``ట్రైల‌ర్ చూస్తే చాలా ఆస‌క్తిక‌రంగా ఉంది. నాగార్జున‌గారు, రామ్‌గోపాల్‌వ‌ర్మ స‌హా ఎంటైర్ యూనిట్‌కు అభినంద‌నలు. జూన్ 1న అంద‌రం థియేట‌ర్‌లో క‌లుద్దాం`` అన్నారు

రామ్‌గోపాల్ వ‌ర్మ మాట్లాడుతూ - ``నేను క్రైమ్ డ్రామాలు, రౌడీయిజం, యాక్ష‌న్ ఫిలింస్ ఇష్ట‌ప‌డ‌టానికి ప్ర‌ధాన కార‌ణం. నేను చ‌దువుకునే రోజుల్లో వెనుక బెంచీల్లో కూర్చుని చాక్ పీసులు విసేరేవాళ్ల‌ను ఎక్కువ‌గా చూశాను. అటువంటి వారితో..ముందు బెంచీల వాళ్ల జుట్లు లాగా వాళ్ల‌తో స్నేహం చేశాను. త‌ర్వాత స్ట్రీట్ గ్యాంగ‌ర్స్‌ను హీరోలుగా చూడ‌టం మొద‌లు పెట్టాను. దాని త‌ర్వాత గ్యాంగ్ స్ట‌ర్స్‌, ఫ్యాక్ష‌నిస్ట్‌లంద‌రిని హీరోలుగా చూడటం మొద‌లు పెట్టాను. అంద‌రూ అయిపోయిన త‌ర్వాత ఆలోచించి పోలీస్ ఆఫీస‌ర్స్ వైపు దృష్టి సారించాను. క్రిమిన‌ల్స్ నుండి సోసైటీని కాపాడ‌టం పోలీస్ ఆఫీస‌ర్స్ వృత్తి. ముంబైలో ఓ పోలీస్ ఆఫీస‌ర్ చెప్పిన పాయింట్‌ను ఆధారంగా చేసుకుని ఈ క‌థ‌ను డెవ‌ల‌ప్ చేయ‌గానే నా మైండ్‌లో నాగార్జున మెదిలాడు. శివ త‌ర్వాత నేను ఇంత వ‌ర‌కు హీరోయిజం ఉన్న సినిమా చేయ‌లేదు. న‌మ్మిన సిద్ధాంతం కోసం ఎంతటి వారితోనైనా పోరాడేవాడు.. రిస్క్ తీసుకునేవాడే హీరో. ఆఫీస‌ర్‌లో నాగార్జున క్యారెక్ట‌ర్‌లో కొత్త‌ద‌నాన్ని ప్రేక్ష‌కులు ఫీల‌వుతారు. నేను ఏ మంచి చేయ‌క‌పోయినా.. నా లైఫ్‌లో నాగార్జున అనేవాడు నాకు దొరికాడు. అంటే గ‌త జ‌న్మ‌లో ఏమైనా మంచి ప‌నులు చేసుండ‌వ‌చ్చు. సాధార‌ణంగా నేను ఎమోష‌న‌ల్‌గా ఫీల్ కాను. నాకు శివ‌తో నాగార్జున బ్రేక్ ఇచ్చాడు. నాగార్జున ఓ స్టీరింగ్ వీల్‌లా త‌యార‌య్యాడు. ఆఫీస‌ర్స్ సినిమాకు నాకు స్పెష‌ల్ మూవీ. ప్రేక్ష‌కుల‌కు డిఫ‌రెంట్ టేస్ట్స్ ఉంటాయి. నాగార్జున‌లో చూడాల‌నుకున్న అల్టిమేట్ హీరోయిజం తెర‌కెక్కించాను. ఈ ముప్పై ఏళ్ల‌లో ఎన్నో సినిమాలు చూసి ఉండ‌వ‌చ్చు. ఈ ప్ర‌యాణంలో ఎన్నో గొప్ప విల‌న్స్‌ను క్రియేట్ చేసి ఉండ‌వ‌చ్చు. వారిని నిర్మూలించే విధంగా నాగార్జున క్యారెక్ట‌ర్‌ను త‌యారు చేశాను. ఓ హిట్ ఫిలింకు చాలా మంది కార‌ణాలుంటే.. ప్లాప్ అయితే అందుకు ద‌ర్శ‌కుడే కార‌ణం అవుతాడు. ఆఫీస‌ర్‌ను నేను ఎంత బాగా క్రియేట్ చేసినా.. నాగార్జున పెర్‌పార్మెన్స్‌లోని క‌న్‌సిస్‌టెన్సీ.. ఎక్స్‌ప్రెష‌న్‌లో ప్రాణం పోశాడు. నేను అనుకున్న క్యారెక్ట‌ర్‌ను తెర‌పై చూసుకున్న త‌ర్వాత హ్యాపీగా ఫీల‌య్యాను. అందుకు నాగార్జున‌కి థాంక్స్‌. ద‌ర్శ‌కుడిగా, వ్య‌క్తిగా న‌న్ను నేను వెతుక్కున్నానంటే నాగార్జునకే ఆ క్రెడిట్ ద‌క్కుతుంది`` అన్నారు.

ఎం.ఎం.కీర‌వాణి మాట్లాడుతూ - ``రాముగారితో ముప్పై ఏళ్లుగా మంచి అనుబంధం ఉంది. నాగార్జున‌గారితో వ‌ర్మ చేసిన శివకి కూడా న‌న్నే మ్యూజిక్ చేయ‌మ‌న్నారు. అయితే నాగార్జున‌గారు కొత్త అబ్బాయి క‌దా! త‌ర్వాత చూద్దాం లే! అన్నారు. ఇప్పుడు వీరిద్ద‌రూ మ‌రో శివ తీస్తే..నాతో మ్యూజిక్ చేయించుకుంటార‌ని భావిస్తున్నాను. వ‌ర్మ‌గారికి ఆల్ ది బెస్ట్‌`` అన్నారు.

అఖిల్ అక్కినేని మాట్లాడుతూ - `` పాతికేళ్ల ముందు నాన్న‌గారు, వ‌ర్మ‌గారు ఎంత హార్డ్‌వ‌ర్క్ చేశారో.. ఈ సినిమాకు కూడా అలాగే చేశారు. మా యంగ్ జ‌న‌రేష‌న్ వారిని ఇన్‌స్పిరేష‌న్‌గా తీసుకోవాలి. ఎంటైర్ టీంకు ఆల్ ది బెస్ట్‌`` అన్నారు.

అక్కినేని నాగ‌చైత‌న్య మాట్లాడుతూ - `` టీజ‌ర్‌, ట్రైల‌ర్ అన్నీ బావున్నాయి. శివ సినిమా స‌మ‌యంలో గొప్ప సినిమా అవుతుంద‌నుకుని చేయ‌లేదు. కానీ ఇప్ప‌టి వ‌ర‌కు అంద‌రికీ ఓ మాన్యువ‌ల్‌లా ఉండిపోయింది. ఈ సినిమా షూటింగ్ నుండి ఇంటికి వ‌చ్చాక ఎంత ఎంజాయ్ చేస్తూ షూటింగ్ చేసేవారో నాన్న‌గారు రోజూ చెప్పేవారు. ఆఫీస‌ర్ టీంకు అభినంద‌నలు. అభిమానులు ఇచ్చిన సౌండ్‌కి రీసౌండ్ ఉంటుంది`` అన్నారు.

మైరా స‌రీన్ మాట్లాడుతూ - `` నాగార్జున‌గారితో, రామ్‌గోపాల్‌గారితో క‌లిసి ప‌నిచేయ‌డం ఆనందంగా ఉంది.. అద్భుత‌మైన ఎక్స్‌పీరియెన్స్‌. ప్రేక్ష‌కులు సినిమాను చూసి ఎంజాయ్ చేస్తార‌ని భావిస్తున్నాను`` అన్నారు.

 

 



Photo Gallery (photos by G Narasaiah)

 

 

 

Privacy Policy | Disclaimer | Copyright 1999 - 2018 Idlebrain.com. All rights reserved